Rreth nesh

Qeveria e Kosovës ka fituar grant nga Instrumenti i II-të i Bashkimit Evropian për para-anëtarësim, për Projektin për Përmirësimin dhe Rehabilitimin e Sistemeve të Ujitjes IRIS.

Objektivi zhvillimor i Projektit për Përmirësimin dhe Rehabilitimin e Sistemeve të Ujitjes për Kosovën është rritja e efikasitetit të shfrytëzimit të ujit dhe rritja e produktivitetit bujqësor në zonën e projektit.

Ky projekt ka tre komponentë.

1) Komponenti i parë, Rehabilitimi dhe Modernizimi i Skemës së Ujitjes Radoniqi-Dukagjini ka këto nënkomponentë:

• Rehabilitimi i Skemës së Ujitjes Radoniqi-Dukagjini; dhe
• (ii) Modernizimi i Skemës së Ujitjes Radoniqi-Dukagjini.

2) Komponenti i dytë, Ngritja e Kapaciteteve për Rritjen e Efiçiencës së Përdorimit të Ujit dhe Produktivitetit të Bujqësisë, synon të përmirësojë qëndrueshmërinë dhe efikasitetin e investimeve në infrastrukturë të mbështetura nga komponenti 1 dhe të rrisë kapacitetet e Ministrisë së Bujqësisë, Pylltarisë dhe Zhvillimit Rural (MBPZHR), komunave, ofruesit të ujitjes dhe fermerëve.

3) Komponenti i tretë, Menaxhimi, Koordinimi, Monitorimi dhe Vlerësimi i Projektit, synon të mbështesë ngritjen e një Njësie për Zbatimin e Projektit (NjZB) e cila do të bazohet në përvojën në zbatimin e Projektit për Bujqësi dhe Zhvillim Rural (PBZHR) dhe do të përshtatet për nevojat e aktiviteteve të projektit.

Projekti IRIS është i përkushtuar për të përmirësuar qëndrueshmërinë dhe efikasitetin e sistemeve të ujitjes Radoniqi – Dukagjini, duke kontribuar në rritjen e prodhimit bujqësor dhe në përmirësimin e mirëqenies së komuniteteve rurale. Projekti  synon të krijojë një bazë solide për menaxhimin e qëndrueshëm të burimeve ujore, duke respektuar nevojat mjedisore dhe ekonomike.

Punimet e parapara me projekt IRIS

•Rehabilitimi i rrjetit dhe instalimeve elektrike per dy stacionet e pompave dhe automatizimi i të gjitha strukturave në kanalin kryesor duke përfshi edhe sistemin SCADA;

•Rehabilitimin e pikmarrjes G-2 dhe pusetës ndarëse për nën-sistemin “D” në Prizren;

•Rehabilitimi i zyreve Administrative në Prizren si dhe depove në Prizren & Xërxë;

•Mekanizimi për operim dhe mirëmbajtje në NjP Dukagjini

Rehabilitimi & Përmirësimi i Sistemit të Ujitjes IRIS-Komp 1

Projekti aktual 

•Kjo komponentë e projektit si vazhdim ka për synim të përmirësoj dhe modernizoj sherbimet e ujitjes me qëllim të uljes së humbjeve të ujit dhe kostove të prodhimit si dhe futjen e kulturave më fitimprurese nën sistemin e ujitjes dhe rritjen e produktivitetit bujqësor ;

•Me rehabilitimet e parapara në projekt do të përmirsohen sherbimet e ujitjes në siperfaqe totale prej  11,750 ha në nivel të KRU Radoniqi-Dukagjini duke rritur kështu siperfaqet e ujitshme  4,000 ha në tri nënsiteme (Qerim + Janosh me 3,200 ha dhe nënsistemi “D” në Dukagjin 800 ha)